Xaçatryan Türkiyə və Suriyaya başsağlığı verdi

Ermənistan prezidenti Vaan Xaçatryan zəlzələ ilə bağlı Türkiyə və Suriyaya başsağlığı verib. 

Yenisabah.az xəbər verir ki, bu barədə o, “Twitter”səhifəsində yazıb.

“Dağıdıcı zəlzələnin faciəvi nəticələri və günahsız insanların tələfatı ilə bağlı Türkiyə və Suriyaya səmimi başsağlığı diləklərimi çatdırıram. Kədərli ailələrə başsağlığı, bütün yaralılara təcili şəkildə şəfalar arzulayıram”, – deyə o qeyd edib. 

Erməni apostol kilsəsinin katalikosu II Qaregin isə Suriya prezidenti Bəşər Əsədə başsağlığı teleqramı vurub, lakin o, Türkiyəyə başsağlığı verməyib. 

Son məlumatlara görə, Suriyada baş verən zəlzələdə 2 erməni əsilli Suriya vətəndaşı da həlak olub.