Brend malları CİP-dən keçirmək istəyən şəxs tutuldu

İstanbul-Bakı aviareysi ilə gələn təyyarədə gömrük orqanına bəyan edilməyən brend geyim əşyaları aşkar olunub.

Yenisabah.az DGK-ya istinadla xəbər verir ki, Heydər Əliyev Beynəlxalq Hava Limanının “CİP” zalından gömrük nəzarət zonasını tərk etmək istəyərkən Azərbaycan vətəndaşına məxsus əl yükləri gömrük yoxlamasına cəlb edilib.

Yoxlama zamanı əl yüklərindən gömrük orqanına şifahi, yazılı və ya elektron qaydada bəyan edilməyən müxtəlif markalı brend geyim əşyaları, 1 ədəd “Cartier” markalı qol saatı, 175 qram zərgərlik məmulatları və digər mallar aşkar olunub.

Faktla bağlı araşdırma aparılır.