Belarusa yeni sanksiyalar tətbiq olundu

ABŞ Belarusa qarşı yeni sanksiyalar tətbiq edib.

Yenisabah.az xəbər verir ki, bu barədə ABŞ Dövlət Departamenti məlumat yayıb.

Dövlət Departamenti Belarusda demokratiyanın pozulmasında fəaliyyətlərinə görə 14 Belarus rəsmisinə viza məhdudiyyəti tətbiq edir.

ABŞ Maliyyə Nazirliyi də Belarusun iki dövlət müəssisəsinə - Belarus Avtomobil Zavodu Açıq Səhmdar Cəmiyyəti və Minsk Avtomobil Zavodu Açıq Səhmdar Cəmiyyətinə sanksiya tətbiq edib.

Bundan əlavə, Maliyyə Nazirliyi Belarus Mərkəzi Seçki Komissiyasına və Komissiyanın yeddi üzvünə sanksiya tətbiq edib.